Writing and Authorship Theme Analysis

Whan that Aprill with his shoures soote
The droghte of March hath perced to the roote,
And bathed every veyne in swich licour
Of which vertu engendered is the flour;
...
Thanne longen folk to goon pilgrimages
...
And specially from every shires ende
OF Engelond to Caunterbury they wende,
The hooly blissful martir for to seke,
That hem hath holpen whan that they they were seeke.

He was a verray, parfit gentil knyght.

Ful weel she soong the service dyvyne
Entuned in hir nose ful seemly,
And Frenssh she spak ful faire and fetisly,
After the scole of Stratford atte Bowe,
For Frenssh of Parys was to hir unknowe.

He yaf nat of that text a pulled hen,
That seith that hunters ben nat hooly men,
Ne that a monk, whan he is recchelees,
Is likned to a fissh that is waterlees––
This is to seyn, a monk out of his cloystre.
But thilke text heeld he nat worth an oyster.

Nowher so bisy a man as he there nas,
And yet he semed bisier than he was.

For May wole have no slagardie anyght.
The sesoun priketh every gentil herte,
And maketh it out of his slep to sterte.

Whilom, as olde stories tellen us,
Ther was a duc that highte Theseus;
Of Atthenes he was lord and governour,
And in his tyme swich a conquerour
That gretter was there noon under the sonne.
Ful many a rich contree hadde he wonne;
What with his wysdom and his chilvalrie.

He cast his eye upon Emelya,
And therwithal he bleynte and cride, “A!”

The Firste Moevere of the cause above,
Whan he first made the fair cheyne of love,
Greet was th’effect, and heigh was his entente.
Wel wiste he why, and what thereof he mente,
For with that faire cheyne of love he bond
The fyr, the eyr, the water, and the lond
In certeyn boundes, that they may nat flee.

I kan a noble tale for the nones,
With which I wol now quite the Knyghes tale.

And therefore, whoso list it nat yheere,
Turne over the leef and chese another tale;
For he shal fynde ynow, gret and smale,
Of storial thing that toucheth gentilesse,
And eek moralitee and hoolynesse.
Blameth nat me if that ye chese amys.
The Miller is a cherl, ye know wel this.

This Nicholas anon leet fle a fart
As greet as it had been a thonder-dent.

Thus swyved was this carpenteris wyf,
For al his kepyng and his jalousye,
And Absolon hath kist hir nether ye,
And Nicholas is scalded in the towte.
This tale is doon, and God save al the rowte!

This dronke Miller hath ytoold us heer
How that bigyled was a carpenteer,
Peraventure in scorn, for I am oon.
And, by youre leve, I shal him quite anoon.

Thus is the proude miller wel ybete,
And hath ylost the gryndynge of the whete,
And payed for the soper everideel
Of Aleyn and of John, that bette hym weel.
His wyf is swyved, and his doghter als.
Low, swich it is a millere to be fals!
And therefore this proverbe is seyd ful sooth,
“Hym thar nat wene wel that yvil dooth.”

Experience, though noon auctoritee
Were in this world, is right ynough for me.

Men may devyne and glosen, up and doun,
But wel I woot, expres, without lye,
God bad us for to wexe and multiplye,
That gentil text kan I wel understonde.

By God! if women hadde written stories,
As clerkes han withinne hire oratories,
They wolde han writen of men moore wikkednesse
Than all the mark of Adam may redresse.

And whan I saugh he wolde never fyne
To reden on this cursed book al nyght,
Al sodenly thre leves have I plyght
Out of his book, right as he radde, and eke
I with my fest so took hym on the cheke
That in our fyr he fil bakward adoun.

Wommen desiren to have sovereynetee
As wel as over hir housbond as hir love
And for to been in maistrie hym above.

And eek I praye Jhesu shorte hir lyves
That noght wol be governed by hir wyves,
And olde and angry nygardes of dispence,
God sende hem soon verray pestilence!

But shortly myn entente I wol devyse:
I preche of no thing but for coveityse.
Therfore my theme is yet, and evere was,
Radix malorum est Cupiditas.

“Now,” quod oure Hoost, “I wol no lenger pleye
With thee, ne with noon oother angry man.”
But right anon the worthy Knyght bigan,
Whan that he saugh that al the peple lough,
“Namoore of this, for it is right ynough!”

He in the waast is shape as wel as I;
This were a popet in an arm t’embrace
For any woman, smal and fair of face.

Listeth, lordes, in good entent,
And I wol telle verrayment
Of myrthe and of solas,
Al of a knight was fair and gent
In bataille and in tourneyment;
His name was sire Thopas.

Thy drasty rhyming is nat worth a toord!

For al so siker as in principio
Mulier est hominis confusio,––
Madame, the sentence of this Latyn is,
“Womman is mannes joye and al his blis.”

For seint Paul seith that al that writen is,
To our doctrine it is ywrite, ywis;
Taketh the fruyt, and lat the chaf be stile.